Poema a Espanya
Vine a Cordova para ver
Ande bivieron mis padres
Antes la ekspulsion
Mi disheron
Esta era la aljama
Lugar ande bivieron los djudios
de Cordova
Vide figura de Maimonides
Sentado serka del kal
Livro en mano
Ojos tristes mirando enfrente
a koza ke no pudia ver
Vide kayes estrechas
boltando, tornando
entre kazas altas
komo rio fuyendo
a su destino
Vide karas eskuras
detras de ventanas.
Senti patadas de pyes
kaminando presto,
Oyi bozes kayadas
Avlando entre si
Vine a Cordoba para ver
ande bivieron mis padres
antes la ekspulsion
I los topi dainda aya
Eskuros
Avlando en silensio entre eyos
I kon mi
1 comentario:
Precioso poema. Es emocionante descubrir los cambios en la lengua. Mucho tiempo... pocos cambios. Creo que no puede existir mejor homenaje a la lengua española.
Gracias.
Publicar un comentario